Қызметтер мен бағалар тізімін жасау

Менің қызметтерім — қосымшаның ішіндегі баға тізіміңіз. Қызметті бір рет сақтасаңыз, жазылу формасында оны таңдағанда бағасы мен ұзақтығы өзі толтырылады, сонда айына қырық рет «7 000» деп тере бермейсіз.

Тізімді толтыру

1. Параметрлер → Менің қызметтерім бөлімін ашыңыз (Android-та: Баптаулар → Кездесулер → Менің қызметтерім).
2. + түймесін түртіп, Жаңа қызмет дегенді таңдаңыз. Атауы, Ұзақтығы және Бағасы өрістерін толтырып, сақтаңыз.
3. Немесе Өткен жазбалардан жасау (Android-та Өткен жазылулардан жасау) дегенді таңдаңыз — қосымша тарихыңызда кездескен қызмет атауларын тізіп береді, сіз қалдыратындарын белгілейсіз.
4. Тізімнің ретін сүйреп өзгертіңіз (Android-та алдымен жолды басып ұстап тұрыңыз). Жазылу формасындағы ұсыныстар дәл осы ретпен тұрады.

Білген жөн

• 25 қызметке дейін сақтауға болады. Экранның төменгі жағында олардың саны көрсетіледі.
• Қызметті өзгерту немесе жою өткенге әсер етпейді. Жазылулар жасалған кездегі бағасы мен ұзақтығын сақтайды.
• iPhone-да Соңғы қызметтерді көрсету ауыстырғышы қолмен терілген (тізімде сақталмаған) атаулардың ұсыныс болып шыға беретінін-бермейтінін шешеді.
• Android-та қызметті жою үшін оны солға сырғытыңыз — бір сәтке Болдырмау түймесі шығады.
• Pro болмаса да ұсыныстарда өткен жазылуларыңыздағы атаулар шыға береді; бағасы мен ұзақтығы бар сақталған тізім — Pro бөлігі.