Параметрлер және көрініс

Негізгі экран мен құлып экранындағы виджеттер

Бүгінгі жазылулар, келесі жазылу және айдың кірісі негізгі экранда тұрады; iPhone-да келесі жазылу кері санағымен бірге құлып экранында да көрінеді.

Жаңартылды 2026 ж. 20 қыр.

Виджет — қосымшаны ашпай-ақ көрінетін кесте: есіктен шығып бара жатып бір қарап өтесіз.

Виджетті қосу

iPhone: негізгі экрандағы бос жерді басып ұстап тұрыңыз, + түймесін түртіңіз (немесе өңдеу мәзірінен виджет қосуды таңдаңыз), My Clients деп іздеп, өлшемін таңдаңыз да, қосыңыз. Құлып экраны үшін: құлып экранын басып ұстап тұрып, оны бейімдеуге кірісіңіз, виджеттер аймағын түртіп, My Clients-ті таңдаңыз.
Android: негізгі экранды басып ұстап тұрыңыз, Виджеттер дегенді түртіңіз де, тізімнен қосымшаны тауып, виджеттің бірін экранға сүйреп шығарыңыз. Тізімде оны «My Clients» деп емес, Clients деп іздеңіз: Android қосымшаның атауын көп тілде, соның ішінде қазақшада да, аудармай көрсетеді.

iPhone

Келесі жазылу (шағын) — келесі жазылудың уақыты, күні, клиенті және қызметі. Тегін.
Бүгінгі жазылулар (шағын, орташа, үлкен) — бүгінгі тізімнің қалғаны. Pro.
Айлық кіріс (орташа) — осы айдың кірісі, жазылулар саны және орташа баға. Pro.
Құлып экраны: Келесі жазылу (тіктөртбұрыш немесе жолдағы мәтін) және Жазылуға дейінгі кері санақ (дөңгелек) — келесі клиент және сағат санап тұрған кері санақ. Pro.

Android

Бүгінгі жазылулар (3×3, өлшемін өзгертуге болады) — бүгінгі тізім, + түймесімен.
Келесі жазылу (4×2) — ең жақын жазылу.
Ай статистикасы (3×3) — кіріс, жазылулар, жұмыс күндері, орташа баға.

Үшеуі де Pro құрамында; Pro болмаса, виджетте Pro экранын ашатын карточка тұрады.

Виджетті түртсеңіз, қосымша тиісті экранда ашылады.
Жеке еске салулар (iPhone) виджеттерге кірмейді — тек клиенттер.
Виджеттер қосымшада бірдеңе сақтағанда және өздігінен әр жарты сағат сайын жаңарып тұрады.